रुपारेल महाविद्यालयातर्फे व्यसनमुक्तीवर परिसंवादाचे आयोजन करण्यात आले होते. सुपरस्टार सिद्धार्थ जाधव याच्या उपस्थितीने या आगळ्यावेगळ्या कार्यक्रमाला चार चॉंद लागले. यात मानसोपचार तज्ञ डॉ. वंदना कुलकर्णी यांनी मोलाचे मार्गदर्शन केले. एन. एस. एस युनिटच्या व्यसनमुक्तीच्या पथनाट्याने व एन.सी.सी विद्यार्थ्यांच्या शिस्तबद्ध परेडने मान्यवरांचे स्वागत करण्यात आले.
‘‘प्रेमाची नशा साथ देई आणि व्यसनांची नशा घात करी’’ हे घोषवाक्याचे तंतोतंत पालन करत नशाबंदीच्या उपक्रमाला पाठिंबा देण्याची शपथ सिद्धार्थच्या साक्षीने सर्व विद्यार्थ्यांनी घेतली ज्यामध्ये प्राचार्य, प्राध्यापक तसेच शिक्षकेतर कर्मचार्यांनीही पुढाकार घेतला.
व्यसनामुळे बळी जाणार्या तरुणांच्या संख्येत दिवसेंदिवस वाढ होत आहे म्हणून रुपारेल महाविद्यालयाने हा आगळावेगळा कार्यक्रम घडवून आणला. व्यसनांपासून दूर राहत आपल्या आरोग्यावर प्रेम करण्याची शपथ या विद्यार्थ्यांना देण्यात आली.
No comments:
Post a Comment